'E NUVOLE

Sti nuvole nc'è passano
pè capa, 'e se fa nire
nire tutto 'o cielo!
Che brutto, quanno scuro
tutto cose,mm'hè pare
mazzanotte, 'e tutto tace!
S'accumminciano 'a sbrunzulià
'e foglie ncoppo 'a ll'arbero,
nisciuno ciata, pè sentì
'e primme lampi 'e tuoni.
"Madonna!" dice na vicchiarella,
cà preja ncoppo 'o barcunciello
suojo, "che DDio nc'hà manna bbona!".
'E all'impruvviso! accummenciano
'o primm'acqua, lampe, tuone.
"S'è scatenata ll'ira 'e DDio!",
dice na signora, levanno 'e panni
'a fora 'a lù barcone.
"Chesta è nà furia!", risponne n'ata
'a coppo 'a mana.
'E ssì, chisto è 'o Pataterno!, cà nc'è
sta danno 'a punizione..dice 'o macellaio
levanne 'e prusutte 'e custatelle 'a fore.
Intanto 'e nuvole passano, 'e s'è schiarato
'o cielo, comma nun fosse succiese
niente, 'e vide 'a tutte quanti 'e turnà
'a guardà 'o cielo azzurro turchino,
'e 'o sole cà nc'è fa copolino, mm'hè pare
cà dice" uagliù...io songo asciuto,
'e facitammello nù saluto!".