'E MAMME

'E mamme songo 'o ddoce 'e

ncoppo 'e torte, so crema

ca t'è scorre ncoppa 'o musso,

quanno t'è vasene. Siente tutto

ll'ammore ,quanno tè vestene cu

chill'abbraccio chino 'e calore.

"Mamma", je che parola! t'è regne

'a vocca sulo 'a nnummenarla!

'e quanno nun 'a vide ppè nu

juorne, m'hè pare 'e mpazzì 'e

dulore! ma appena siente chella

voce d'oro, tu t'arrepiglie, 'e cu

na lacremella ca tè scenne ncoppo

'a faccia, 'a guarde, 'e essa ,ca tè

fa nu pizzo 'a rriso, abbracciate

v'è truvate 'e nun v'è n'accurgite!

E' ammore, si 'e, nun c'è sta niente 'a ffa,

è ammore 'e mamme 'e nun s'è ppò accattà!