'O NATALE 'E BERLUSCONE

'O natale 'e berlusconi

è tutto rose 'e ciuri!

Stanno tutti appaercchiati

onorevole 'e puttane!

'O mado' ma comm'è bello

'o Natale 'a vvilla arzilla!

Stanne tutte vicchiarielli

cu viagra 'e signurine,

ca se mettene mposizione,

'e aspettano 'o cannuolo!

mentre nuje napulitane, nc'è

vedimme ogge 'e dimane, mmieze

'a cumuli 'e munnezza, mamma mia,

cche allerezza, ca nc'è sprizza

ppè tutti 'e pori, cu chest'aria

genuina, ca s'è respira ppè 'a matina!

senza sorde, ma cu ammore, nuje

purtamme 'e figlie fore, 'a vedè

chello ca ffa 'o guverno 'e berluscone!

Berluscò, tu faje Natale, ca

è proprio bello assaje, na

nun pienze 'a chi fa 'a famma,


ppè tutte 'e feste 'e Natale!


'E ppè tte che ddè 'a famma!!

nun 'o saje? è quanno 'a panza

tuzzuleja, 'e tu ppè ffarla

sazià, faje suspiro 'a cchiù nun

pozzo, 'e accussì, nc'è trase aria

'e s'è regne chino chino, uà! che

stommeco pesante doppo

tanto avè nfezzato tutta ll'aria

càje mangiato! uè silviù, ma

tu nun siente? 'ah, penzave

'a signurina, ca sta lloco, 'a te vicino?

mentre nuje poverini, ngià pigliamme

pure 'e festa, chesta sera, 'e bonanotte!

pecchè stesso 'a debulezza, nun c'è ffa fa

cchiù nemmanco 'o sesso!

'E PAZZIELLE P'O' CRIATURE

'E pazzielle p'ò criature,

sò na vera rarità, appena

'e vere, fa mille mmujne,ppò

nc'è pazzea nu poco, 'e ppò

'e jetta llà! Nun c'è accattate


tanti pazzielle 'a sti criature,

nun 'e bbuffate 'e rrobbe ca,

doppo poco, nun servene cchiù!


facitele credere ca nc'è sta ancora,

babbo natale 'e 'a befana,

però che portene cose bbone, 'e no

pazzielle ppè ll'occasione!

CCà stamme 'ncrisi, 'e pure 'o ninno,

l'addà capì ppè tutto l'anno!

CCa' s'anna ffa 'e sacrifici, ppè nun

ncappà into 'a povertà.

Nzignatele comme 'a cicala parlava,

mentre 'a furmica astipava 'o ppane!

'o ninno 'e ogge, tene tutto cose,

nc'è manche sulo ppè isso 'o giudizio,


ca è proprio chello ca cchiù 'o vizia!

"Vonno, pretennene!" 'e vuje,'accuntentate?

'e ppò ppè chesto v'è ndebbitate!

ma nun se ffa! chesto è peccate!


pecchè nc'è stanno tanti criature,

ca sanno 'a 'uerra, 'e 'a fatica sulo,'e nun 'o

sanno cche songo 'e pazzielle, ma pecchè

chille nun sò figli 'a DDio? m'addimanne

sempe pur'io! 'E allora,cari ,amici 'e parienti,

nun 'e facimme sti sbagli mpurtanti, ma

accattate sulo ppè figli, ammore, core 'e,

nun v'è spartite!

'E FEMMENE RRIFATTE

Ogge tutte so rifatte,
'e into aereo fanno 'o botto!
ppò cu 'a vocca 'a canotto,
vanno 'o mare cu 'e culotte.
Mamma mia, che mpressione,
quanno esce 'a zizza 'a fore,
para 'a palla, tonna tonna,
'e se sta llà 'e nun se move!
Ma che gusto ca nc'è prova,
ll'ommo quanno nc'è ffa ammore,
pare tocca 'a bambulella,
tutta 'e gomma 'e merlettielle!.

SCIARPA JANCA (DEDICA AD ANGELO IANNELLI, COLONNA PORTANTE DEL SUD)

Sempe cu 'a sciarpa janca

'e 'o vestito ncuollo, cammine

ppò paese comme nu grand'omme!

ma tu grand'omme nc'è si,

caro angioletto nuoste, pecchè

faje addiventa 'o sud,grande

'e pure tuosto! si 'o sud è

tuosto, pecchè 'a passato chello

ca nun è sempe giusto!

N'avimma avuto batoste, into

'a sta vita nosta, ma ne simme

asciute sempe cu 'a capa ajzata:

Ngiulì, tu si 'a culonna pp'è tutto

sto paese, 'e tiene sempe alta

chesta bannera nosta.

'A MASSENZIO CARAVITA

Si massenzio, amico mio,

'e scrive poesie, 'e m'hè

l'è fatto amà pure a mme,

chesta arte bella oje nì!

Quanno cunuscetto 'a te,

nun sapevo chè d'era chella

che io chiammavo "poesia",

'e che ppò è diventata 'a

passione ddà vita mia!

nun 'a saccio scrivere bbona!

ma però m'hè perfeziono,

cu 'o tiempo 'e l'affeziona!

Ppò liggenno 'a te massè,

accumminciaje 'a penzà..

'e penzanne 'e ripenzanne,

'a una 'a una ne criave...

songo nate comma funge,

'e ppoesie inta 'o cervello,

'e tutto chesto 'o devo 'a te

'e all'amice comm'è tte, ca m'hè

l'anno fatto amà chesta doce

attualità!

NATALE 'E 'A TUMMULELLA NAPULITANA

'A cosa ca m'hè piace,

dè feste dò Natale, è ll'aria

ca s'è rispira, magia 'e tutt'è

magie! però chello ca v'è dico,

Natale è tutt'è juorne, 'e

avimma essere sempe bbuoni!

'e ppò na cosa è bello

ca nasce 'o Bambinello!

ma nun m'hè piace chè,

nc'è se corre annanze 'e areta,

p'è regali, ppo' magnà ,'e ccose

in quantità, pecchè addeventa


sule festa materiale, senza penzà

cchiù ,'a nascita del Buon Gesù!

Primma penzamme 'a chesta, ca è 'a

cosa cchiù mpurtante,ca è festa

'e compleanno.. 'e ppò si nc'è sta

posto,penzamme all'ati ccose! 'a natale

nuje jucamme'a tummulella, ca è na cosa

divertente,se sta tutti attuorno 'a tavula,

'e sbrucanne mandarine, pandoro



'e struffulilli, nuje mettimme 'e fasule


ncoppo 'e cartelle , mentre jescene 'e nummarielli.

"Obbj lloco, m'hò 'a ponto io 'a quintina,

'a faccia vosta!" dice 'a nonna 'a coppo 'a mana,

mentro 'o nonno allucca ancora "io aggio fatto sulo


ll'ambo!" "we madò, stateve zitto, ca nuje

'a cca nun c'è sentimmo!", dice 'o femmeniello

checco, mentre 'a zia carmilina, votta

tutto cose nterra! tutt'à ridere 'a famiglia,

s'addà ffa tutto ddò capo?...ma pò nc'è

penzammo 'a coppo, tutti quanti ll'uocchie

appise ppè lu suono arretrato, 'e allora che

facimme? jamme tutti 'a ritirata....

'A MAMMA D'A' NEVE

Mamma d'à neve, t'aggia

vuluto sempe bbene!

Si stata Tu ppè mme, 'a

mamma 'e tutt'è mamme,

'e devuzione tenevo io,

ppè Ttè.

Mamma mia bella, tu si

'a stella ppè punticiello,

paese mio natale!

Da quanno ero piccerella,


tè vedevo, ncoppo 'a 'o carro,

ire bella, cu mbraccio 'o Bambeniello!


'O ssaje, 'a mamma mia tè

venerava, 'e primmo cca

mureva ,venette 'a TTe vedè

ll'urdema vota. Quand'anni sò

passate, oje Marunnnè, pare ajere!

Io, ppè tant'anne nun t'aggia

vulute cchiù vedè, pecchè tu t'à

pigliaste 'a mammarella mia, ppè

t'à tenè vicino 'a te.

Ma ppò sunnannela, essa dicette,

ca s'è truvava bbona, llà addò steve!

'E io accussì m'hè repigliaje, 'e rispiranne,

'o core s'allummaje, 'e ve vedette

nzieme , 'e 'into 'o suonno, chiagnenne


t'è dicette: stattella accorta, tu 'o ssaje

quanto m'hè cara, è tutto 'a vita mia!

CIERTI VVOTE

Cierti vvote penzo, ca pè

essere n'artista, nun 's'adda

tenè 'e doti, ma sulo 'a

faccia tosta...è vero?

Primma, ll'artista era na

perzona ca se surava

'a vita 'e guaragnave poco!

'e nc'è nè stanno artisti

ca ponno testimonià!

m'hò si vuò fa ll'artista...

t'è mettere cu 'o culo 'a fora,

oppure, 'e 'a 'j al "grande

fratello", 'o "all'isola," addò 'a gente

ricene male parole, 'e s'addeventa


famoso, 'e pure si nun saje ffa niente,

'e che t'è mporta, tanto tutti tè


chiammarranno into 'a televisione!

'e ffarraje filme subbeto, 'e

pure calendarie, oj nì 'e che

ciorta che tiene, mustranne tutto

'a fore! pò nc'è stanno perzona ca

tene 'a capa apposta, nun tenene na

sfortuna into 'a vita soja, ma sanne sulo

ffa ll'artista,(ma no comme chillo 'e primmo,

ca va into 'e trasmissione, 'e niente sape ffa!)

artista overamente! uà! nisciuno 'o sente

nemmeno p' 'e miliune, 'e si pecchè

cu isso, nun saglie ll'audience bbone, 'e chi 'o



guarda nfaccia 'a chisto, povero guaglione!!!

STONGO 'E CASA 'A 'E CIENZE 'E LLARCO

Stongo 'e casa ' 'a e cienze 'e ll'arco,

'e e cercula faccio parte! ma è comme

m'hè sentesse ,figlio 'e zoccola 'e no

'e mamma! giuvinò, ca io pavo 'e tasse!'

e n'avessa avè progriesse, nun ve pare?

Mentre chi sta 'e casa , ncoppo 'a cchiese '

a mmaculata, tene tutte 'e giuvamenti,

m'hè dicite vuje 'o ppecchè? A chi figlie 'e 'a


cchi figliaste, cca se ffa ,sentite 'a mme!'e si

nun pavasse 'e tasse che dicisssene, nè we !

'A CHIATTEZZA E' MMEZA BELLEZZA

E' vero ca' m'aggio fatta chiatta

'e 'a mme che m'hè n'è mporto,

M'hè piace 'e magnà, 'e 'o saccio,

ca bene nun m'hè ffa!però, nun magno

assaje, m'abboffo sulamente 'e ppò

quanno m'hè sento sazia io m'hè

vurria fermà.'O belllo, è cca nun veco maje

'a via ,'ca chesta vocca mia, se stanca

'e frullà! 'E magne, magne, magne, m'hè

diceno 'e parienti, accussì quando tu muori,

t'è vottano 'e jastemme, 'e schiattamuorte

'a tte! Tu nun 'o vuò capì ca 'o stommeco

nun cummanno, ma è' o cervello tuoje ca

nun t'adda tradì, nun t'adda cunziglià

na cosa malamente, ma t'adda fa capì

ca staje sazie ampresso ampresso.

'A PUMMAROLA

'A pummarla è na vera devezione

ppè nuje napulitane.

'A pummarola è rossa comm'è 'o core,

ca sbatte mpiette 'a napule 'e 'a

tutto 'a reggione!

"Napulità, che t'è magne ogge?"

ll'è dice nu turista, ca sta passanno

into 'a nu viculo stritto 'e senza luce,

'e isso nc'è risponne"'o ppane cu

'a pummarola 'a coppa".. je che

delizia 'e che dolcezza ca nc'è sta

into 'a sta polpa zugosa! chillo turista,

into 'a nu mumento 'a visto 'o sole

pp'è chillo viculo ca primma era scuro.

"Pruvateme!" m'hè pare ca t'è dice, 'a

coppo 'a na bancarella d'ò verdummaro,

sta pummarola, rossa 'o verde 'e cchina


'e devozione, 'e tu t'è faje piglià ppà gola,

t'accatta 'e tt'à magne into 'a manco n'ora!


'E quanno ppò acchiappa chella 'e

muntagna, 'a piccerella, 'a vesuviana,

è chella senz'acqua, m'hè pare 'e

t'è magnà 'e ceraselle, una tira all'ata.

'O sud? 'o sud chisto è, è tradizione,

è core, ammore ppà terra soja, ca sa

fatica, 'e sura 'e sette cammise!

'O RAZZISMO PP'è LL'ADOZIONE

S'adimanne nu criaturo,

pecchè nun 'o fanno jucà nu poco

'e criature comme isso, 'e nc'è dicene

redenno:"jesce 'a llà, guagliò vattenne ,

tu si figlio da Madonna, 'e nun può jucà

cu nuje, nun si 'o stesso sanghe nuoste!

vavattenne 'a parta 'e llà!"

'O criature ca chiagnenno nc'è addimane

'a mammà soja:"ma nun simme tutti quanti,

figlie 'e Dio e dda Madonna?, pecchè

dicene ca tengo ' io 'o sanghe avvelenato,

mm'hò spiegate, ppè piacere?"

Cchino 'e chianto 'e cummuzione, chella mamma

abbraccia 'o figlio 'e 'ssò coccola 'e carezze,

isso, inta 'e braccie soje sente ammore,

che priezza! 'e s'addorme 'o piccerillo,

sunnuzzanno nu pucurillo, 'e ppò

quanno s'è scetate, già è passato

tutto 'o chiante, pecchè tene sempe

ammore sia d'à mamma ca d'ò pate!

DICIMME D'A' TANT'ANNE

Dicimme d'à tant'anne

ca vulimme cagnà 'o munno,

ma pò nc'è sè addorme

ncoppo 'e patane, guagliù!

Si se vò cagnà overamente,

nun c'è vò assaje tiempo!

nc'avimma mettere ncapa

ca avimma cagnà 'o cervello,

prima di tutto, oje belli!

'E si, nc'è simme mise ncape

'e ffa 'a cchi mette 'a coppo,

'e ppò chi nc'è supporta

tutte ste situazioni, 'o carico

è assaje 'e nuje nun c'ià facimme,

'e ppò 'a cchi 'o vvulimme!

'O munno nc'è se cagne, cu ammore

'e ccu rispetto ppè ll'ambiente,

ognuno, pure mmiezo 'a via

sta sempe 'a casa soja, s'annà

tenè pulita sti strate, che credite!

'e pure quanno se va 'e gite fuori

porta...purtateve 'na busta, ppè

mettere 'a munnezza, tanto che

v'è costa, chella nun pesa niente!

'e quanno jate 'a casa, svuotatele

'e spartitele ppè fa 'a differenziata!

QUANNO NUN 'E TENGO VICINO

Quanno nun 'e tengo vicino,

io stongo male assaje! 'o saccio

c'anna vivere pure 'a vita lloro! 'e

figlie songo cari, 'e songo piezze

'e core , è vero.. nuje 'e purtamme

ncuorpo! ncuorpe ppè nove mise, comme

s'è ponno lassà, accussì miezo 'a na via!

'E penzo 'a tanti mamme ca 'e figlie l

so luntane, oppure songo muorte pè

mmane 'e cierti nfame! Madonna mia

santissima, 'e mamma benedetta, prutieggele

tu, sti figlie prediletti! Pecchè 'o destine,

nun cagne direzione! songo pure figlie

tuoje, tienele sotto 'o mantone!

fa ca quanno quarcuno arrobba 'a quarche

criatura, tienele stritto ppò core, 'e nun

nc'è fa cummettere nisciuno 'e chilli orrori!

'A LAUREA 'E FIGLIEME

Ogge figlieme sà pigliato 'a laurea,

'je che soddisfazione c'à ch'à dato!

nuje simme furtunati, tenimme figlie

ca 'anno studiato, 'e ppè regalo

s'anna laureato! Ma m'hò però se

accummincia 'a tarantella, doppo sta

cosa accussì bella, vene chella ca

nc'è da nu poco 'e tremmarella!

'e si!doppo tanti tribulazioni ,cu esami

ncoppo 'a esami, m'hò vene 'o tiempo

dd'à disoccupazione! Embè, ma nuje

nun perdimme 'a pacienza, pecchè

tenimme 'a capa apposto, 'e nun c'è

facimme piglià da pazzaria, 'e m'hò

nc'è pigliamme sotto 'o vraccio 'e figlie

nuoste 'e nc'è ppurtamme 'a pizzeria!

POETESSA D'ALTRI TEMPI

Mi chiammo maria 'e sò poetessa,

songo otto mise ca scrive sempe!

scrive dediche pè compleanni 'e

ppè ll'onomastco, ppò scrive pure

ppè muorti 'e ppè santi!

M'hè piace 'e scrivere ppè piccerilli,

pè ll'artisti 'e ppè puvurielli!

Però nun tengo nu poco 'e ciorta,

tutti dicene "comme sò belle,sti poesie

ca staje screvenne!" ma ppò io veco

ca ssè scordano ampresse! 'e allora

m'hè songo fatto n'appunto, ca si

nascevo nà schiattamuorta... nisciuno

mureva... parola....'e che ciorta!

TRE METRI NCOPPA 'O CIELO

Tre metri 'a coppa 'o cielo?

'E che sarria maje!!

io stongo mparaviso, quanno

staje tu vicino! 'E veco tutti 'e

santi cu ll'angiulilli in coro, che

cantano, mille canzone d'ammore!

'E stamme ncoppo 'a nuvola

che 'a casarella nosta, ma sulo

dinta 'e suonne tenimme sta visiona,

pò quanno nc'è scetamme nc'è

truvamme cu 'e mane dinta 'e mmane,

'e vocche pò sè vaseno 'e tutto

è cchiù luntano! ma ammore ca pruvamme

è sempe frische frische, comm'à duje

nn'ammurate ca songo'e primma uscita,

'e s'è guardeno into all'uocchie, facenno

na resella 'e cu ffare cianciuso s'è toccano

'e faccelle!

'O PAZZARIELLO 'E STA' CITTA'

'O pazzariello era na macchietta

ca steve sulo 'a napule, na sorta 'e

pubblicità viaggiante! era n'omme tutto

culurato, ca teneve 'e strumente musicali


ncuolle , m'hè pareva n'orchestra,

che curreva ppè 'a città!

chillo jeve ppè llì viculi, 'e cantanne,

sunanne 'e abballanne,faceva sapè 'a ggente

cà s'arapevano 'e puteche 'e tutte 'e qualità.

Che bello era 'a vederlo pittato 'a festa!


quanno passava isso se rallegravano, tutti.


Ppè vicoli era na festa, nc'è se metteva

'a cerchio, 'e isso, cu 'e strumenti,

accumminciava 'a sunà...

"E' arrivato 'o pazzariello inta 'o vicolo

d'è nucelle, 'e v'è porta 'a bbona nova!

ccà s'arapa na puteca, addò s'accattene

cose doce, sapurite 'e chiene 'e ggioie.

we guagliù m'arriccumanne, accattate sempe ccà"

E accussì, cu llì criature ca surridene e 'o correne

appriesse, m'ho scumpare 'o pazzariello,

culurato 'e troppo bello, 'a fernuto 'e faticà

'e se nè ppò 'j pure 'a cuccà! ma è felice 'e stu

lavoro, pecchè mette alleria, culore 'e fantasia...

'a chello ca isso ffà...

MADRE TERESA DI CALCUTTA

Madre Teresa mia,pure a te

vurria, dedicà na poesia !

Piccerella piccerella, jste ppè

pajse puvurielli, 'a purtà

'a bbona nuvella. 'A fratielli

sfurtunati 'nc'è dista 'a

vita toja, 'e sempe nu poco

'e gioia! Tu purtasti ammore

'e core, 'e però purtasti pure,

'a parola dò Dio tuojo, 'e cu

pena 'e cu dulore, tu 'o serviste

sempe, fino 'a quanno t'è

chiammaje into 'a casa, mparaviso!

M'hò ca staje vicino 'a Ddio, 'e

nc'è guarde dd'à ll'à ncoppo,

nun t'è pare ca è troppo chello

c'à sta succedenno, pè l'ù munno,

'a tutt'à ggente? Tu si morta cu

'o rimpianto 'e lascià stu mare 'e

pianto, ma speramme che 'a

pace torna 'e sprofonna 'o mmalamente!

'O FIGLIO DOWN

" Tu si nu figlio down,

ma nun t'è miette scuorne?"

te dice 'a gente, 'e tu?

tu nun capisce niente,

pecchè si piccerillo, ma

t'à dico io na cosa, ca 'e

down simme in tanti! 'E si,

pè chesta parola

ca è comme nu disprezzo,

s'addà purtà rispetto!

'e down,sò intelligenti,

'e down songo ammore,

'e sanno addò sta 'o core,

ma portano nu dulore ppè

tutt'à vita lloro, pe chèsta

libbertà ca tenene cierta

gente, ca nun so 'e razza

bbona 'e cercano 'e offendere.

'E down sò perzone ca tenene

qualità, ca nun tenite vuje,

vvònno bbene 'a tutti quanti, senza

vedè 'e culuri, d'è facce 'e ddè bannere,

ma vvonno bbene 'o vero, senza

avè rancore, ppè vuje cà 'o maltrattate,

senza nc'è penzà!

OGNI JUORNE

'Ogni juorne comm'è 'o viento,

vaco 'e vengo ppò spaviento!

chisto tiempo nun è bbuono,

acqua, viento 'e maletiempo..

ma pecchè nun 'a fernesce?

'A mme piace 'o vierne friddo,

ma però, no cu tant'acqua!

friddo sicco è bello assaje, m'hè

nc'è metto 'o cappotto 'e cammino

into 'a ll'aja, p'è 'a campagna,

m'hè arrecreo, pecchè ll'aria

è respirabile, manco 'o naso,

friddo friddo, m'hè fa venì l'anzia


assaje! 'e ppò quanno torno 'a casa


inta 'o lietto m'hè nc'è metto,


cu na bella tazza 'e broro, 'o piumone

'e cu ll'ammore, m'hè cunzolo 'e m'hè ncalore!

PREGHIERA P'E' 'O NATALE

Natale! 'e m'hò nasce 'o bambeniello,

'e che nc'è nasce 'a ffa....pè chiagnere

nu poco, vedenne stu 'rruvuoto?

'Oje Bambeniello bello, miettece tu

'a manella, pè fa ca chistu munno,

ritorni comm'à quanto, è stato 'a Ddio criato!

'O lione cu ll'agnello fa ca siano sempe amici,

'e nc'è sta sempe rispetto,ll 'omme bianche

ppè ll'omme niro, ca so sempe 'a stessa cosa,

cagne sulo 'o culore, nun fa ca nc'è sia

'o rancore! Ppò fra ll'omosessuale 'e ll'etero,

nun c'haddà sta sempe tenzione, fall'e vivere

sereni, sotto 'o stesso cuppolone! fa che 'e soldi

so ppè tutti, nun c'è starria cchiù nu puvuriello!

Tu nascisti into 'a na rotta, 'e 'o ssaje ca nun è

buono ca nc'è sta chi tene assaje, 'e chi nun

se ppò sfamà.

Bambeniè, tu ca si 'o figlio da madonna 'e dò

Padre nuosto, parla tu cu tutt'è duje, ppè ffa

rinsavì nu poco chisti uommene 'e potere, ca

nun penzano 'a nisciuno, ma sulo ppo DDio lloro!

STA CADENNE NA STELLA!

Stà cadenne na stella!

n'è guagliù levateve 'a

sotto, ca si care, chella

v'è pogne, cu ll'ì ponte

appezzate...è già tutta

appriparata, ppè ffa

male 'a qualched'uno

c'à nun ll'è sta cchiù vicino!

Quanno chella 'o capisce,

ca inta 'o stritto ve se trova,

nc'è se sbatte tutta quanta,

'e addà pognere 'a qualcuno!

comme 'a fatto cu 'e perzone

ca l'anno avutato 'e facce,

'a fatto parlà 'e giurnali, contro

'a chilli " farabutti!!!" isso è 'o

meglio cc'a nc'è sta ncoppo 'a piazza!


...'e llasciatelo pure ll'à, addò ll'anno

miso 'e vutanti, pecchè m'hò songo

male 'e panze! io vvò dico ppè 'o

bbene vuosto, chillo è na mina vagante,

'a cchi coglie, coglie, è 'o stesso, pure


'e cummannà sulo isso!!!!

'E COSE C'A' RESTANO

'E cose c'à restano, songo

chelle ca facimme into 'a sta

vita nosta! So cose ca si

se fanno bbone, se dice,

"che perzona, 'a lasciato ammore!",


ma si songo fatte d'à 'e ffame,

allora tutto cagna,'a ggente se


arricorda malamente 'e chi

more into 'a chillo mumento.

'E si! nc'havimma sta accorti

'e comme nc'è cumpurtamme,

pecchè ncoppo 'a sta terra

nuje 'o lasciamme, niente

appriesse nc'è purtamme!

'O PAZZARIELLO

Cu 'o cappiello 'a sunaglielli,

triccabballacche 'e tamburriello,

areta 'e spalle puorte 'a grancassa,

'e mmiezza 'e cosce sonano 'e piatti,

chesto si tu, oje pazzariello, ca vaje

ppè viche 'e ppè quartiere, suoni,

abballi, 'e te scampanie cu 'e campanelle

ca stanno ppà giacca....comme si bello,

'e culurato, tutte ridene quanno tè vedono,

'a gioia è tanta, 'e l'alleria scoppia ppà via!

"jamme è arrivato 'o pazzariello, currite,

currite, 'a ddò vedè. Chillo vè dice tante

poesie, 'e ve racconta paraustielli ca sè

dicene pe tutta 'a terra...",pò doppo ca 'a

fatto 'a dimostrazione de 'a puteca, che

arapa nova, 'spenza cunfietti 'e caramelle

'e ppò se ne va comma è venuto, cantanne

ballanne 'e divertenne.

MA CHE SE' CAMPA 'A FFA'

Ma che campamme 'a ffa, io m'addimanne?

m'hè pare na babele, chesta vita .....

accideno, rapisceno.....ma ve pare na vita d'ammore?

na vita ca s'è vive, cu na paura ncuorpe.....

n'angoscia ca nc'è porta 'a mmurì 'a dinte.....

Signò..ma tu addò staje, t'è si scurdato 'e nuje,

tu nc'è criate 'e mmò, nc'è lasci suli???

VOLARE FINO A TE

Dio! come vorrei volare,

volare fino a te, e dirti

nell'orecchio:"non ti scordar

di me", di me che ti do il cuore!

ma poi mi vien il magone, e penso

a chi non ha, un piatto sulla tavola,

ne panni per vestirsi, e ti imploro

credimi, di non dimenticarti mai

di chi non conosce gioia!

Tu che ci desti natali,adesso abbandoni,

i figli tuoi poveretti? No, non puoi!

ricordati di loro , che son fratelli nostri, e che

non stanno bene! non han nemmeno

occhi per piangere, ma ti ameranno sempre,

senza pensar a chi, al mondo sta un ppò

meglio. I nostri fratellini, sorridono pur

non avendo niente, mentre ad altre parti

c'è chi, per un nonnulla, ne fa tanti problemi.

PER MIA MARTINI

Mia, Mia, Mia, che cosa cumbinasti,

chella famosa sera in cui tu muristi!

Nc'è dato nu dulore! 'a nuje, ca te

vuleveme bene, ma tanto tanto

bbene! 'e mmò, ca sò tant'anni ca tu

nun c'è staje cchiù, nuje tt'è cercamme

ancora, 'o ssaje sciù sciù?

Ire ppè nuje l'icona 'e chesta canzona,

pecchè tè ne si juto, pecchè?

Nc'hà dumandamme ancora!

Tenive chella vocia, ca deve nu dulore,

però era bella assaje,'a ttè sentì 'e cantà!

Tu vive inta 'e canzone ca nuje sentimme

sempe, 'e dinto all'aria aleggia 'o spireto,

ca 'o viento, nc'è ffa sentì ncoppa 'e facce

noste, 'e tu ca si cchiù tosta, nc'è vieni

'a cunfurtà, cu voce biricchina, nc'è faje sentì

cc'hà vivi into all'eternità!

MASSIMO RANIERI

'E che nc'è sta 'a dicere 'e te,

si, pure tu si 'o meglio 'e napule!

si chillo cà sape fa tutto,

ncoppo 'a scena... canti, balli,

riecite, si circenze...ma che vuò

ffa chiù pè napule? tu 'e mustrato

'e muscoli, nun sulo 'a nuje napulitane,

ma 'a tanti ca nun credevano, cà 'o

sud tanto valeva! 'e invece nc'hanno avuta

credere ppè forza, pecchè, tu daje calore 'e

miette ammore, ppè ffa fa bella figura

'a stu paese nuoste ca nun more, 'e se

mantene ncoppo 'o core, 'e chisti artisti bbuoni.

Tu si guivanne simpatia, si eduardo 'e troise,

miso assieme... saje fa ridere 'e chiagnere

'a stessa manera...si gruosso massimì, 'e

ll'oro 'e napule tu si!!!!!

'A SIGNORA D'E' POESIE

Mentre faccio 'e pulizie,

scrive pure poesie...

'e ne scrivo 'e tutte

'e culure, verde, bianche

'e russe pure...songhe

tutte culurate chelle

odi prelibate, e sò

pure motivate... si 'e liggite

ve ne accurgite, cu quanta

passione 'e scrivo!

PANE AMORE 'E....FANTASIA

Ma cu tutto 'a fantasia,

io nun trovo soluzione,

ppè salvà sta italia mia!

Vuje che ne penzate, amici,

nc'è sarà nu qualche cosa

ca nc'è porta nata vota

'a ajzà sta capa nosta, comm'è

quanno nuje cuntaveme

coccosa?Ccà simme turnate arete,


stamme sfiurenno comme ciore

ca more 'a vierno!


Ma ajezamme chesti scelle,

'e vulamme nata vota pè

ll'ì cieli chine 'e stelle, comm'è

quanno eremo piccerilli?

Madunnè, che fantasia ca

nc'è sta inta 'o core mio!

cu sti 'ualle ncoppo 'a munnezza,

mamma mia ma che tristezza!

'E GENITORI MIEJE

'E genitori mieje, m'hè vonno

bbene, m'hè pruteggono 'e m'hè


danno sempe nu surriso, dall'alto

d'ò Paraviso! nun veco 'o cuorpo

lloro, ma saccio ca m'hè tenene inta

'o core, ed io 'e benedico a tutt'ora!


Nun m'hanno dato 'a vita, ma ll'ammore,

che 'a cosa cchiù mpurtante ppè

stu core! m'hanna crisciuto cu educazione,

rispetto, 'e tradizione ppè sentimenti antichi,

ca nun m'abbandonano maje.

Che dulore quanno se ll'à chiammati Ddio,

ca ll'à vuluto 'a se vicino!

Però, ppè poco m'anno abbandunato!

ppò songo turnati nata vota, ncoppo

'a sta terra, comm'è angiulilli, pè sta

vicino 'a mme, ppè tutt'à vita!

"Papà 'e mammarella mia, m'avita dato 'o meglio,

ll'essenza d'à passiona, 'e io songo orgogliosa

'e essere ppè sempe figlia 'a vvuje!"

'O PRESEPIO

'O presepio da casa mia,

no, nun è na sciccheria!

è na muntagnella 'e suvero,

ncoppo, tante casarelle, 'o chianchiere

che taglia 'a carne,'a taverna

cu 'o canteniere, pò sotto 'a

sta cullina nc'è sta sempe 'a

stalletella , cu 'o bue 'e ll'asinello,

tutta paglia attuorno attuorno,

cu Maria e San Giuseppe,veco pure

'o Bambeniello,quanti belli pasturielli ca

nc'è vanno 'a purtà riali, 'e a luntano

arrivano pure, tre figure tutte agghindate,

songo 'e magi ca 'a luntano portano 'e doni

'o piccerillo. 'E che veco ncielo? è 'a cumeta,ca

cammina nzieme 'a lloro . Ncoppa 'a tutto 'a

muntagnella,io nc'è metto pure 'a benino,

ca sta sempe in dormiveglia, cu attuorno

'e pecurelle. 'E ppò quanno 'o ppiccio

'a sera, quanti lluce, 'e che splendore

che è sto Presepio antico! veco n'aura tutto


intorno, 'e s'è ncantano chist'uocchie mie,

tanto cà, m'hè pare 'e vedè 'a DDio!

LL'ALBERIELLO 'E NATALE

Io 'a natale nun 'o faccio

ll'arberiello dinto 'a casa,

pecchè tengo na micella,

ca m'hò spoglia sano sano.

Tutto 'e vote ca 'o facevo,

'o ccunciavo tanto bello, 'e

ppò quanno m'hè n'ascevo,

'a fa la spesa, 'o ritorno,

'e che truvavo! palle, 'e palline

spase ppà casa, fili dorati

muzzicati,mamma mia che

confusione ca faceva chella

micione! 'e allora aggio

penzato 'e addubbà sulo

'e stanze mie..metto palle,

fili 'e lampadine,nfaccia

'e pporte da casa mia.

Quanno è 'a sera, appiccio

'e lluce, chelli llà intermittente,

comm'è bella 'a casa mia, cu 'a

ll'ummata evanescente!

nc'è sta aria 'e natale, 'e

s'addà senti inta 'o core,

'e mangianne, struffulilli,

menestella e panettuni,

nc'è sentimme tutti cchiù

bbuoni 'e ll'ammore che tenimmo

nc'è s'è sprizzo pp'è tutt'è pori.....

N'A' NOCE INTA 'O SACCO

" N'a noce inta 'o sacco nun fa rummore!"

che pozzo fa sulo io, into a' sto munno

ca è nfamo 'e traditore?

Into 'a fantasia, m'hè sonno 'e essere

ll'eroe,che salva l'essere, da chesta mania

'e apparì ppè forza, pure accedenne 'a

ggente cà nunc'è azzecca niente !

penzo io, ca p'apparì into 'a televisione,

nc'è s'è n'addà ffa sudate, pp'è ddà

dimostrazione, 'e essere nu grande

cervellone! no, nun c'è pozzo credere

ca vanno in trasmissioni, pecchè vonno

fa vedè che songo bravi assaje, 'e nun ppè

guadagnà chisti benedetti miliuni..senza fa

nu cazzo, sti bbuoni guagliuni!

DOPO LA MORTE

Solo dopo la morte si parlerà

di te, e si dirà " CHE GRANDE"!

Tu guarderai dall'alto delle

nuvole, ringrazierai, come

se stessi vivendo in una favola!

Che bello, la tua immagine che

vedi su uno schermo, è quella

di persona felice d'esser viva..

un tuo sorriso è sole, amore, vita!

Chissà chi si ricorderà, con tanto ardore

di te, che hai amato l'esistenza e questa

terra, che baceresti ancor, per tutto il

tempo che ti avuto in grembo!

Adesso ti emozioni? ma non puoi, tu sei

l'essenza dell'aria e delle nuvole, le

anime lo sai, non piangon mica! ma restano

sul tetto lì nel cielo, a guardar giù a la terra,

ciò che succede alle persone vive. E, sentirai

parlar della tua persona, e ne sarai felice,

perchè, per lor che ti hanno amata, sarai

per sempre, non sol riferimento, ma anche

amor immenso..