'O PAESE

" 'O paese è piccirillo 'e 'a gente va sparlanno!

se cunoscene tutti quanti, songo cumpari

'e cumparielli, comm'è bello 'o paisiello!"

Io songo nata paisane, 'e vè dico ca nà

vota era bello, quanno stevene ciuccie,

pecure 'e vaccarelle! nun vè dico l'uvicciullo

da gallenella, frisco frisco! comm'era doce 'e

sapurito. M'hò addò sta cchiù 'a semplicità

'e na vota! 'E criature pazziavanno inta 'e

curtine, respiravano ll'aria malandrina,

fresca 'e genuina! 'O rispetto che nc'è se dava

'a campagna, era cunsuetudine da fatica 'e tutti quanti,

gruossi 'e piccirilli,sè suravano 'e cammeselle

pè purtà nu soldo 'a casa. 'E ppò tutto teneva n'addora!

'e campi erano 'e mille culure!

M'hò m'hè sceto dà fantasia, guardo 'o munne

cà nun se move, resta inerme annanze 'a cchi guverna,


'e nun fa 'o nteresse nuoste, ma sultanto chillo loro!

Nun c'è sta cchiù religione, 'e sta terra sta murenno,

mentre sè fanno sulo guerre! Ma pecchè nun se capisce

ca 'o munno è sulo chisto! si 'o vuttamme sotto 'e ncoppo,

addò vanno 'e figlie nuoste? Certo chesto sò ddumanneno

'e padruni, quanno vanno 'a cuccà 'a sera? Chilli 'e sorde

'e tenene assaje pè sputà sentenze 'e morte, mentre nuje

cà nun 'o tenimme, simme ancora furtunati, nc'è stà DDio

ca nc'è prutegge 'e nc'è fa vedè luntano!