MA CHI M'HO' FA FFA'

Ma chi m'hò fa fà 'e
penzà 'a cierta gente,
parla, parla 'e nun capisce
niente.
'E vote nc'è penzo, 'e
rido sulo io, ma stongo scetata,
sonno 'o è fantasia?
'A gente oggi giorno nun sta
bbona cu 'a capa,vò sulo
nciucià 'e maje rispettà all'ate.
Se vede che corrono tutte pà
via, sè va sempe 'e presso 'e
maje cu calmezza..ma quanno
se fermano, tre 'o quatto perzone,
subete fanno cufecchie tra loro.
'E comme, nc'è sta 'o tiempo 'e nciucià?
Ma quanno nc'è stanno 'e viecchie
'a penzà...sè va sempe 'e presso
'e 'o spizio nc'è penza!!
"Mettiteve scuorno!" io dico 'a
sta gente, 'a vita è na rota,
'e poco nc'è manca! 'o turno è
pè tutti, 'e chello che se semina,
pò vene 'o raccolto.
Ma quanno 'o raccolto nun vene
bbuono, nun vita lagnà, signuri
biati, l'avita vuluto vuje stu marce,
'e quindi mettiteve 'o scuorno nfaccia.

BUON ONOMASTICO

Oggi che è 'a ricorrenza
dò nomme tuoje, tè dongo
ll'augurio comme cummanna
DDio.
'O nomme è mpurtante pè
ll'omme ncoppo 'a terra.
Si nun c'è fosse 'o nomme
comme c'è sè ricunuscesse?
'o nomme, nuje nc'è 'o purtamme
appriesse da quanno ascimme
'a dinto 'a panza 'e mamma!
'O bello 'o brutto è sempe
'o nomme nuoste,'e ll'ammà
rispettà 'a 'chi nc'è l'hà mise.
E' bello chillo juorno, tutti
tè danno augurio, 'e tu uoffre
caffè 'e si cuntento.
L'augurio che tè dongo io, nun è
sulo pè oggi cà tiene 'o santo
'a tavula, ma è pè sempe,'e
t'auguro 'e truvà 'e pace 'e serenità.

N'EVENTO NATURALE

"Quanno nasciste tu, nascette
'o sole pè chella mamma toja.
Comme ire bello, chino 'e capille!
Nà priezza, pè nonni 'e pè papà,
che tè guardavano 'a dinto 'a
cunnulella,quanno facive mille
mussetelle. 'E lloro, rummanevano
ncantati 'a t'osservà."
Quannd'ore sè passano 'a sunnà
comme può essere... 'a criature!
'e ppò quanno staje 'a fore,
mm'hè pare 'e nun c'è credere!
"Uh, fa 'e fussetelle!", dice 'a
nonna 'a coppo 'a mana, pò, 'o pate,
cà 'o stregnia 'e detelle attuorna
'o dito suoje dice:"guardate
che forza cà tene stà criatura,
chesta addeventarrà sanzone!"
'e chesta è 'a nascita pè nuje,
che bella sensazione!
Pò ll'anni passano 'e 'a criatura
cresce, madò, 'e quanne sò
'e penzieri pè nu genitore che
tene into 'a sta mente!
'E quanno tè faje gruosso,
'a rota gira!chisto è 'o mumente
tuoje! m'ho tocca pure 'a te,
accummincià 'a ddà 'a vita
'a chi tu chiammarraje "figlio mio".
'E nc'è saranne muorze cà 'e
nghiuttì, 'a freva dò criature,
'a scola, 'e tutto chello cà nè
vena! Ma quanno capirai comme è
grande 'a forza dè genitori, sarrà
pò troppo tardi pè ringrazià 'a lloro.

TU SI PE' M'HE' 'O SOLE

.Tu pè mme si sempe bello,
maje sfiora chesta pelle!
si nu ciore 'e paravise,
tiene sempe nu surriso
pronto 'a ogni occasione.
Quanno veco 'a te, veco
'o sole cà sorge ncielo,
'e m'astregna cù 'e raggi suoje,
'e m'hè vase cù 'o calore
cà m'hè coce inta 'o core.
Nun sè stuta maje st' ammore!
Nuje simme goccie cà
scennene nfunno 'a ll'oceano
, nc'è ntricciamme 'e nc'è lassamme,
facenne nu balletto cù ll'onna cà nc'è
mena 'a ccà 'e 'a llà.
Ammore mio, m'hè sento
accussì liggera cà ll'anema mia
è felice 'e 'o core dice:

MAESTRO 'E MANDULINO

Maestro 'e mandulino, stasera
m'hè deliziato, cu 'a musica sublime,
'e sto strumento sopraffino.
E' sinfunia c'à vene dàll'anema,
'e piglia tutto quanto 'o cuorpo,
cu na vulata 'e note, che te
fanno sentì ncoppo 'a na nuvola
liggera, ca te porta po tiempe.
Chiudenne ll'uocchie penzo:
<"Madonna mia dò Carmeno,
m'hà c'armunia che sento!
ma stamme 'o settimo piano,
'o stamme mparaviso!"
Quanno sento sti canzoni, io vaco in estasi,
rivedo tutta napule dipingerse 'e culore,
che bella sensazione!
'E tu, cirù, sunanno sti mutive antichi,
m'hè fatto sunnà 'o tiempe 'e nà vota,
cà maje riturnarrà.

AMICA MIA

Amica mia, quanno tè voglio bene,
tu si pè mme n'ancora miezza 'o mare,
si na ventata 'e amicizia, vera 'e sincera!
nà sora benedetta cà Dio mà
mannata ncoppa 'o tetto dà vita.
Certo cà Isso 'o sape addò adda j 'a
cade 'o bene 'e 'o rispetto!
Comme sè fa 'a nun credere 'a chisti
sentimenti? Io nc'è credo!
Chi tene cierti cose, ne addà vè bene,
addà gudè l'ammore fino 'a che nc'è
ne da 'a forza 'o Signore.

UOCCHIE CA M'HE' GUARDATE

Uocchie cà m'he guardate,
che cosa m'hè dicite!
M'affascinate sempe, uocchie
nire curvine.
Cù ll'anema gioiosa io m'he cunzolo,
'e guardo 'a vuje comme fusseve
diamante che, chiuse inta 'o
scrigno d'ò core, 'e dinto 'a sta
passiona sè fa cchiù chiara
ammore cà provo io pè vuje.